Ett ess kott für Chresdag und dann wüard man schon moll nohdenklech. Wat wüard wenn man irgendwann mal auld ess un man ess ganz allengk opp der Weild. Kianer kömmert sech um ienen.
Fröher woar datt alles angersch, för Chressdag völl Rätärasch, Chressdag völl Arbett, noh Chressdag völl Arbett un donoh Füarbereitengk opp Sylvester. Dann ess opp ienmol alles stiller. De Kengker sind uut dem Huuse und fieren selwer Chressowend, Besüak kommt nur för en Stund. Ett lohnt sech garnecht alle Stehrömmkes ruut te hollen ut de Chressdagskeste.
Ganz schlemm wüard datt, wenn opp der letzten Sitt vam Tüpitter Nomen stongk die man kennt, die womöglich mett ianem in de Schuol woaren. In gliekem Aulder womöglich. Do wüard ienem ganz blümerant un man kömmt schwor ant prakesieren. Grad nu in der Vürchressdagstied.
Ech deit bi miar, du hess Tied und wöröm makst du nech wat för dian Wohlbefinden. Wat guates donn. Wo man en guates Gefüöhl hätt wenn man nohieme kömmt.
Enn Zufall wollt ett, dat mech en Nohbersche dropp aahnsprecht, ech küan doch Remschedder Platt, opp ech mal watt em Auldershiam füarlesen küan.
Ech hab dann mett dem Wiederhoff Kontakt oppgenuomen un han ianfach gefrogt, ob Interesse doran bestieht. Die woarn ganz begeistert. Ech gonn nu ianmoll em Monat noh denn Aulden un wiar kallen op Platt. Iane Stongk bin ech do, un ett makt miar Freud. Aff un ahn zeig ech och en paar aulde Belder vam Remschedd. Jeder hatt watt zu vertellen. Die Stongk ess so schier öm.
Biam letzten Mal hangk ech och wiar schüane Belder von Remschedd gezeigt. Do woaren Belder van der aulden Alleestroote, van der Bismarckstroote, van Limpe un Lütterkusen un noch völl mehr. Die Aulen rooten wo datt ess. En Geschechte gött ett och dobie. Miast.
Am Schluote kuam en nett Bild van ner Hochtiedsgesellschapp in Kött un Schwättetönnschen. Un alles füar em Coffee Kotthuus op dem Kriemeln, also demm Caffee Mimm. Op ianmol seet der Herr an mianer lenken Sitt, datt bin jo ech opp dem Beld. Dat ess mian Hochtiedsbeld. Datt lenks ess miane Frouw un die Angern send mian Schwieagervadder un de Oppa. Wiar küanen ett alle nit begrieapen. Doch han ech doch sian Hochtiedsbeld in mianer Sammlengk. Ech wiat nech wo ech dat genau her an, abber datt ess jo och egal.
Dat woar enn gruote Freude. Ett stellden sech heruut, datt ech zufälleg noch mehr Belder van sianer Familech har uut dem auldem Gaarenhiam in de Kriemelner Schallerstroote. He hätt jo och molls in de Maxstroote gewennt.
Ech han emm de Belder uutgedruckt un biam letzten Mal öwergewen. Do hätt sech der aulde Mann sehr dröwer gefreut.
Schonmal ess ett guat, datt se fröher nitt sonn Gedüans mett demm Datenschutz un Urheberreiht hangk.
Ech geh also trotz Corona in datt Auldershiam un mak mian nieu Ierenamt mett völl Freud.
Ech kann ett önk nur empfehlen. Vleits enn guader Vorsatz för 2022.
Bös Strackes
Önker Klärchen